Sahetukaṁ nahetuṁ dhammaṁ paṭicca naahetuko nanahetu dhammo uppajjati hetupaccayā. (Saṅkhittaṁ.) Hetuyā tīṇi, ārammaṇe pañca, adhipatiyā ekaṁ …pe… sahajāte aññamaññe pañca …pe… purejāte āsevane tīṇi …pe… vipāke tīṇi …pe… avigate pañca. 18.11. Hetusampayuttaduka, Hetuduka Hetusampayuttaṁ hetuṁ dhammaṁ paṭicca nahetusampayutto nahetu dhammo uppajjati hetupaccayā … tīṇi. Hetuvippayuttaṁ hetuṁ dhammaṁ paṭicca nahetuvippayutto nahetu dhammo uppajjati hetupaccayā … tīṇi. (Saṅkhittaṁ.) Hetuyā cha, ārammaṇe tīṇi …pe… aññamaññe cattāri …pe… vipāke tīṇi …pe… avigate cha. Hetusampayuttaṁ nahetuṁ dhammaṁ paṭicca nahetuvippayutto nanahetu dhammo uppajjati hetupaccayā. (Saṅkhittaṁ.) Hetuyā tīṇi, ārammaṇe pañca, adhipatiyā ekaṁ …pe… sahajāte aññamaññe pañca …pe… purejāte āsevane tīṇi …pe… vipāke tīṇi …pe… avigate pañca. 18.12. Hetusahetukaduka, Hetuduka Hetuñceva sahetukaṁ hetuṁ dhammaṁ paṭicca nahetu ceva naahetuko ca nahetu dhammo uppajjati hetupaccayā. (Saṅkhittaṁ.) Hetuyā ekaṁ …pe… avigate ekaṁ. Sahetukañceva na ca hetuṁ nahetuṁ dhammaṁ paṭicca naahetuko ceva nana ca hetu nanahetu dhammo uppajjati hetupaccayā. (Saṅkhittaṁ.) Hetuyā ekaṁ …pe… avigate ekaṁ. 18.13. Hetuhetusampayuttaduka, Hetuduka