Nakusalaṁ naanidassanasappaṭighaṁ dhammaṁ paṭicca abyākato anidassanasappaṭigho dhammo uppajjati hetupaccayā. (Saṅkhittaṁ.) Hetuyā cha, adhipatiyā cha …pe… aññamaññe tīṇi …pe… vipāke tīṇi …pe… avigate cha. Nakusalaṁ naanidassanaappaṭighaṁ dhammaṁ paṭicca abyākato anidassanasappaṭigho dhammo uppajjati hetupaccayā. (Saṅkhittaṁ.) Hetuyā tīṇi, adhipatiyā tīṇi …pe… avigate tīṇi. 23.20. Vedanāttika, Kusalattika Nasukhāya vedanāya sampayuttaṁ nakusalaṁ dhammaṁ paccayā sukhāya vedanāya sampayutto kusalo dhammo uppajjati hetupaccayā. Nasukhāya vedanāya sampayuttaṁ nakusalaṁ dhammaṁ paccayā adukkhamasukhāya vedanāya sampayutto kusalo dhammo uppajjati hetupaccayā … dve. Nadukkhāya vedanāya sampayuttaṁ nakusalaṁ dhammaṁ paccayā sukhāya vedanāya sampayutto kusalo dhammo uppajjati hetupaccayā. Nadukkhāya vedanāya sampayuttaṁ nakusalaṁ dhammaṁ paccayā adukkhamasukhāya vedanāya sampayutto kusalo dhammo uppajjati hetupaccayā … dve. Naadukkhamasukhāya vedanāya sampayuttaṁ nakusalaṁ dhammaṁ paccayā adukkhamasukhāya vedanāya sampayutto kusalo dhammo uppajjati hetupaccayā. Naadukkhamasukhāya vedanāya sampayuttaṁ nakusalaṁ dhammaṁ paccayā sukhāya vedanāya sampayutto kusalo dhammo uppajjati hetupaccayā … dve. (Cattāri gaṇitakena dve dve pañhā kātabbā. Saṅkhittaṁ.) Hetuyā cuddasa …pe… avigate cuddasa. (Vipākaṁ natthi.)
