Navipākaṁ dhammaṁ paṭicca vipāko dhammo uppajjati hetupaccayā. Navipākaṁ dhammaṁ paṭicca vipākadhammadhammo uppajjati hetupaccayā … pañca. Navipākadhammadhammaṁ paṭicca vipāko dhammo uppajjati hetupaccayā. Navipākadhammadhammaṁ paṭicca nevavipākanavipākadhammadhammo uppajjati hetupaccayā … tīṇi. Nanevavipākanavipākadhammadhammaṁ paṭicca nevavipākanavipākadhammadhammo uppajjati hetupaccayā. Nanevavipākanavipākadhammadhammaṁ paṭicca vipāko dhammo uppajjati hetupaccayā … pañca. (Saṅkhittaṁ.) Hetuyā dvāvīsa, ārammaṇe ekādasa, adhipatiyā aṭṭhārasa …pe… aññamaññe soḷasa …pe… purejāte nava, āsevane cha …pe… vipāke pannarasa …pe… avigate dvāvīsa. 19.4. Upādinnattika Naupādinnupādāniyaṁ dhammaṁ paṭicca anupādinnupādāniyo dhammo uppajjati hetupaccayā … tīṇi. Naanupādinnupādāniyaṁ dhammaṁ paṭicca anupādinnupādāniyo dhammo uppajjati hetupaccayā … pañca. Naanupādinnaanupādāniyaṁ dhammaṁ paṭicca upādinnupādāniyo dhammo uppajjati hetupaccayā … tīṇi. Naupādinnupādāniyañca naanupādinnaanupādāniyañca dhammaṁ paṭicca anupādinnupādāniyo dhammo uppajjati hetupaccayā … ekaṁ. Naanupādinnupādāniyañca naanupādinnaanupādāniyañca dhammaṁ paṭicca upādinnupādāniyo dhammo uppajjati hetupaccayā … tīṇi.