Nasanidassanasappaṭighaṁ naniyyānikaṁ dhammaṁ paccayā anidassanaappaṭigho niyyāniko dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi. Nasanidassanasappaṭighaṁ naaniyyānikaṁ dhammaṁ paṭicca sanidassanasappaṭigho aniyyāniko dhammo uppajjati hetupaccayā. (Saṅkhittaṁ.) Hetuyā ekavīsa, adhipatiyā ekavīsa …pe… avigate ekavīsa. Nasanidassanasappaṭighaṁ naniyataṁ dhammaṁ paccayā anidassanaappaṭigho niyato dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi. Nasanidassanasappaṭighaṁ naaniyataṁ dhammaṁ paṭicca sanidassanasappaṭigho aniyato dhammo uppajjati hetupaccayā. (Saṅkhittaṁ.) Hetuyā ekavīsa, adhipatiyā ekavīsa …pe… avigate ekavīsa. Nasanidassanasappaṭighaṁ nasauttaraṁ dhammaṁ paṭicca sanidassanasappaṭigho sauttaro dhammo uppajjati hetupaccayā. (Saṅkhittaṁ.) Hetuyā ekavīsa, adhipatiyā ekavīsa …pe… avigate ekavīsa.