Naparittārammaṇaṁ naakusalaṁ dhammaṁ paccayā parittārammaṇo akusalo dhammo uppajjati hetupaccayā. (Saṅkhittaṁ.) Hetuyā cuddasa …pe… avigate cuddasa. Naparittārammaṇo naabyākato dhammo parittārammaṇassa abyākatassa dhammassa ārammaṇapaccayena paccayo. (Saṅkhittaṁ.) … Ārammaṇe ekavīsa, adhipatiyā nava, anantare samanantare ekavīsa, upanissaye ekavīsa, natthiyā vigate ekavīsa. 23.32. Hīnattika, Kusalattika Nahīnaṁ nakusalaṁ dhammaṁ paccayā majjhimo kusalo dhammo uppajjati hetupaccayā. (Saṅkhittaṁ.) Hetuyā cha …pe… avigate cha. Nahīnaṁ naakusalaṁ dhammaṁ paccayā hīno akusalo dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi. Nahīnaṁ naabyākataṁ dhammaṁ paṭicca majjhimo abyākato dhammo uppajjati hetupaccayā. (Saṅkhittaṁ.) Hetuyā cha, adhipatiyā cha …pe… avigate cha. 23.33. Micchattaniyatattika, Kusalattika Namicchattaniyataṁ nakusalaṁ dhammaṁ paccayā sammattaniyato kusalo dhammo uppajjati hetupaccayā. (Saṅkhittaṁ.) Hetuyā cha …pe… avigate cha. Namicchattaniyataṁ naakusalaṁ dhammaṁ paccayā micchattaniyato akusalo dhammo uppajjati hetupaccayā. (Saṅkhittaṁ.) Hetuyā cha …pe… avigate cha.