Naganthavippayuttaṁ dhammaṁ paṭicca naganthavippayutto dhammo uppajjati hetupaccayā. Naganthavippayuttaṁ dhammaṁ paṭicca naganthasampayutto dhammo uppajjati hetupaccayā. Naganthavippayuttaṁ dhammaṁ paṭicca naganthasampayutto ca naganthavippayutto ca dhammā uppajjanti hetupaccayā. Naganthasampayuttañca naganthavippayuttañca dhammaṁ paṭicca naganthasampayutto dhammo uppajjati hetupaccayā. Naganthasampayuttañca naganthavippayuttañca dhammaṁ paṭicca naganthavippayutto dhammo uppajjati hetupaccayā. Naganthasampayuttañca naganthavippayuttañca dhammaṁ paṭicca naganthasampayutto ca naganthavippayutto ca dhammā uppajjanti hetupaccayā. (Saṅkhittaṁ.) Hetuyā nava, ārammaṇe cha, adhipatiyā nava …pe… vipāke ekaṁ …pe… avigate nava. (Sabbattha vitthāro.) 8.29. Ganthaganthaniyaduka Naganthañceva naaganthaniyañca dhammaṁ paṭicca nagantho ceva naaganthaniyo ca dhammo uppajjati hetupaccayā. Naganthañceva naaganthaniyañca dhammaṁ paṭicca naaganthaniyo ceva nano ca gantho dhammo uppajjati hetupaccayā. Naganthañceva naaganthaniyañca dhammaṁ paṭicca nagantho ceva naaganthaniyo ca naaganthaniyo ceva nano ca gantho ca dhammā uppajjanti hetupaccayā.