Abyākataṁ upādinnaṁ dhammaṁ paṭicca nakusalo naupādinno dhammo uppajjati hetupaccayā. Abyākataṁ upādinnaṁ dhammaṁ paṭicca naakusalo naupādinno dhammo uppajjati hetupaccayā. Abyākataṁ upādinnaṁ dhammaṁ paṭicca nakusalo naupādinno ca naakusalo naupādinno ca dhammā uppajjanti hetupaccayā … tīṇi. Hetuyā tīṇi …pe… avigate tīṇi. 16.24. Kusalattika, Upādānadukādi Akusalaṁ upādānaṁ dhammaṁ paṭicca naakusalo noupādāno dhammo uppajjati hetupaccayā. (Saṅkhittaṁ.) Akusalaṁ kilesaṁ dhammaṁ paṭicca naakusalo nokileso dhammo uppajjati hetupaccayā. (Saṅkhittaṁ.) Hetuyā pañca, ārammaṇe tīṇi …pe… avigate pañca. 16.25. Kusalattika, Piṭṭhiduka