Noganthañca nanoganthañca dhammaṁ paṭicca nogantho dhammo uppajjati hetupaccayā. Noganthañca nanoganthañca dhammaṁ paṭicca nanogantho dhammo uppajjati hetupaccayā. Noganthañca nanoganthañca dhammaṁ paṭicca nogantho ca nanogantho ca dhammā uppajjanti hetupaccayā. (Saṅkhittaṁ.) Hetuyā nava …pe… vipāke ekaṁ …pe… avigate nava. (Sabbattha nava.) 8.27. Ganthaniyaduka Naganthaniyaṁ dhammaṁ paṭicca naganthaniyo dhammo uppajjati hetupaccayā. Naganthaniyaṁ dhammaṁ paṭicca naaganthaniyo dhammo uppajjati hetupaccayā. Naganthaniyaṁ dhammaṁ paṭicca naganthaniyo ca naaganthaniyo ca dhammā uppajjanti hetupaccayā. Naaganthaniyaṁ dhammaṁ paṭicca naaganthaniyo dhammo uppajjati hetupaccayā. Naganthaniyañca naaganthaniyañca dhammaṁ paṭicca naaganthaniyo dhammo uppajjati hetupaccayā. (Saṅkhittaṁ.) Hetuyā pañca, ārammaṇe dve …pe… avigate pañca. (Sabbattha pañca.) 8.28. Ganthasampayuttaduka Naganthasampayuttaṁ dhammaṁ paṭicca naganthasampayutto dhammo uppajjati hetupaccayā. Naganthasampayuttaṁ dhammaṁ paṭicca naganthavippayutto dhammo uppajjati hetupaccayā. Naganthasampayuttaṁ dhammaṁ paṭicca naganthasampayutto ca naganthavippayutto ca dhammā uppajjanti hetupaccayā.