Nakusalaṁ nabahiddhārammaṇaṁ dhammaṁ paṭicca abyākato bahiddhārammaṇo dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi. 23.19. Kusalattika, Sanidassanattika Nakusalaṁ nasanidassanasappaṭighaṁ dhammaṁ paṭicca abyākato sanidassanasappaṭigho dhammo uppajjati hetupaccayā … ekaṁ. Naakusalaṁ nasanidassanasappaṭighaṁ dhammaṁ paṭicca abyākato sanidassanasappaṭigho dhammo uppajjati hetupaccayā … ekaṁ. Naabyākataṁ nasanidassanasappaṭighaṁ dhammaṁ paṭicca abyākato sanidassanasappaṭigho dhammo uppajjati hetupaccayā … ekaṁ. Nakusalaṁ nasanidassanasappaṭighañca naabyākataṁ nasanidassanasappaṭighañca dhammaṁ paṭicca abyākato sanidassanasappaṭigho dhammo uppajjati hetupaccayā … ekaṁ. Naakusalaṁ nasanidassanasappaṭighañca naabyākataṁ nasanidassanasappaṭighañca dhammaṁ paṭicca abyākato sanidassanasappaṭigho dhammo uppajjati hetupaccayā … ekaṁ. Nakusalaṁ nasanidassanasappaṭighañca naakusalaṁ nasanidassanasappaṭighañca dhammaṁ paṭicca abyākato sanidassanasappaṭigho dhammo uppajjati hetupaccayā … ekaṁ. (Saṅkhittaṁ.) Hetuyā cha, adhipatiyā cha …pe… vipāke tīṇi …pe… avigate cha.