Anidassanaappaṭighaṁ appītikaṁ dhammaṁ paṭicca nasanidassanasappaṭigho naappītiko dhammo uppajjati hetupaccayā. Anidassanaappaṭighaṁ appītikaṁ dhammaṁ paṭicca naanidassanasappaṭigho naappītiko dhammo uppajjati hetupaccayā. Anidassanaappaṭighaṁ appītikaṁ dhammaṁ paṭicca nasanidassanasappaṭigho naappītiko ca naanidassanasappaṭigho naappītiko ca dhammā uppajjanti hetupaccayā. (Saṅkhittaṁ.) Hetuyā tīṇi …pe… avigate tīṇi. 16.85. Sanidassanattika, Pītisahagataduka Anidassanaappaṭighaṁ pītisahagataṁ dhammaṁ paṭicca naanidassanaappaṭigho napītisahagato dhammo uppajjati hetupaccayā. Anidassanaappaṭighaṁ pītisahagataṁ dhammaṁ paṭicca nasanidassanasappaṭigho napītisahagato dhammo uppajjati hetupaccayā …pe… anidassanaappaṭighaṁ pītisahagataṁ dhammaṁ paṭicca nasanidassanasappaṭigho napītisahagato ca naanidassanasappaṭigho napītisahagato ca dhammā uppajjanti hetupaccayā. (Saṅkhittaṁ.) Hetuyā cha, ārammaṇe tīṇi …pe… avigate cha. Anidassanaappaṭighaṁ napītisahagataṁ dhammaṁ paṭicca nasanidassanasappaṭigho nanapītisahagato dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi. 16.86. Sanidassanattika, Sukhasahagataduka Anidassanaappaṭighaṁ sukhasahagataṁ dhammaṁ paṭicca naanidassanaappaṭigho nasukhasahagato dhammo uppajjati hetupaccayā. (Saṅkhittaṁ.) Hetuyā cha, ārammaṇe tīṇi …pe… avigate cha.