Nakusalaṁ naupekkhāsahagataṁ dhammaṁ paṭicca akusalo upekkhāsahagato dhammo uppajjati hetupaccayā. (Saṅkhittaṁ.) Hetuyā nava …pe… vipāke tīṇi …pe… avigate nava. 23.7. Kusalattika, Dassanattika Nakusalaṁ nadassanena pahātabbaṁ dhammaṁ paccayā akusalo dassanena pahātabbo dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi. Nakusalaṁ nabhāvanāya pahātabbaṁ dhammaṁ paccayā akusalo bhāvanāya pahātabbo dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi. Nakusalaṁ nanevadassanena nabhāvanāya pahātabbaṁ dhammaṁ paṭicca abyākato nevadassanena nabhāvanāya pahātabbo dhammo uppajjati hetupaccayā. (Saṅkhittaṁ.) Hetuyā tīṇi, adhipatiyā tīṇi …pe… avigate tīṇi. 23.8. Kusalattika, Dassanahetuttika Nakusalaṁ nadassanena pahātabbahetukaṁ dhammaṁ paṭicca akusalo dassanena pahātabbahetuko dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi.