23.1. Kusalattika, Vedanāttika Namo tassa Bhagavato Arahato Sammāsambuddhassa. Nakusalaṁ nasukhāya vedanāya sampayuttaṁ dhammaṁ paṭicca akusalo sukhāya vedanāya sampayutto dhammo uppajjati hetupaccayā. Nakusalaṁ nasukhāya vedanāya sampayuttaṁ dhammaṁ paṭicca abyākato sukhāya vedanāya sampayutto dhammo uppajjati hetupaccayā … dve. Naakusalaṁ nasukhāya vedanāya sampayuttaṁ dhammaṁ paṭicca kusalo sukhāya vedanāya sampayutto dhammo uppajjati hetupaccayā. Naakusalaṁ nasukhāya vedanāya sampayuttaṁ dhammaṁ paṭicca abyākato sukhāya vedanāya sampayutto dhammo uppajjati hetupaccayā … dve. Naabyākataṁ nasukhāya vedanāya sampayuttaṁ dhammaṁ paṭicca kusalo sukhāya vedanāya sampayutto dhammo uppajjati hetupaccayā. Naabyākataṁ nasukhāya vedanāya sampayuttaṁ dhammaṁ paṭicca akusalo sukhāya vedanāya sampayutto dhammo uppajjati hetupaccayā … dve. Nakusalaṁ nasukhāya vedanāya sampayuttañca naabyākataṁ nasukhāya vedanāya sampayuttañca dhammaṁ paṭicca akusalo sukhāya vedanāya sampayutto dhammo uppajjati hetupaccayā … ekaṁ. Naakusalaṁ nasukhāya vedanāya sampayuttañca naabyākataṁ nasukhāya vedanāya sampayuttañca dhammaṁ paṭicca kusalo sukhāya vedanāya sampayutto dhammo uppajjati hetupaccayā … ekaṁ. Nakusalaṁ nasukhāya vedanāya sampayuttañca naakusalaṁ nasukhāya vedanāya sampayuttañca dhammaṁ paṭicca abyākato sukhāya vedanāya sampayutto dhammo uppajjati hetupaccayā … ekaṁ. (Saṅkhittaṁ.) Hetuyā nava …pe… vipāke tīṇi …pe… avigate nava. Nakusalaṁ nadukkhāya vedanāya sampayuttaṁ dhammaṁ paṭicca akusalo dukkhāya vedanāya sampayutto dhammo uppajjati hetupaccayā … ekaṁ. Naabyākataṁ nadukkhāya vedanāya sampayuttaṁ dhammaṁ paṭicca akusalo dukkhāya vedanāya sampayutto dhammo uppajjati hetupaccayā … ekaṁ. Nakusalaṁ nadukkhāya vedanāya sampayuttañca naabyākataṁ nadukkhāya vedanāya sampayuttañca dhammaṁ paṭicca akusalo dukkhāya vedanāya sampayutto dhammo uppajjati hetupaccayā … ekaṁ. (Saṅkhittaṁ.) Hetuyā tīṇi …pe… avigate tīṇi.
