Nasanidassanaṁ naanidassanasappaṭighaṁ dhammaṁ paṭicca anidassano anidassanasappaṭigho dhammo uppajjati hetupaccayā. (Saṅkhittaṁ.) Hetuyā ekaṁ, adhipatiyā ekaṁ …pe… avigate ekaṁ. Nasanidassanaṁ naanidassanaappaṭighaṁ dhammaṁ paṭicca anidassano anidassanaappaṭigho dhammo uppajjati hetupaccayā. (Saṅkhittaṁ.) Hetuyā ekaṁ, adhipatiyā ekaṁ …pe… avigate ekaṁ. 21.42. Sappaṭighaduka, Sanidassanattika Nasappaṭighaṁ nasanidassanasappaṭighaṁ dhammaṁ paṭicca sappaṭigho sanidassanasappaṭigho dhammo uppajjati hetupaccayā … ekaṁ. Naappaṭighaṁ nasanidassanasappaṭighaṁ dhammaṁ paṭicca sappaṭigho sanidassanasappaṭigho dhammo uppajjati hetupaccayā … ekaṁ. Nasappaṭighaṁ nasanidassanasappaṭighañca naappaṭighaṁ nasanidassanasappaṭighañca dhammaṁ paṭicca sappaṭigho sanidassanasappaṭigho dhammo uppajjati hetupaccayā … ekaṁ. (Sabbattha tīṇi.) Hetuyā tīṇi, adhipatiyā tīṇi …pe… avigate tīṇi. Nasappaṭighaṁ naanidassanasappaṭighaṁ dhammaṁ paṭicca sappaṭigho anidassanasappaṭigho dhammo uppajjati hetupaccayā. (Saṅkhittaṁ.) Hetuyā ekaṁ, adhipatiyā ekaṁ …pe… avigate ekaṁ. Naappaṭighaṁ naanidassanaappaṭighaṁ dhammaṁ paṭicca appaṭigho anidassanaappaṭigho dhammo uppajjati hetupaccayā. (Saṅkhittaṁ.) Hetuyā ekaṁ, adhipatiyā ekaṁ …pe… avigate ekaṁ. 21.43. Rūpīduka, Sanidassanattika