Āsavavippayuttaṁ dhammaṁ paṭicca naāsavavippayutto dhammo uppajjati hetupaccayā. Āsavavippayuttaṁ dhammaṁ paṭicca naāsavasampayutto dhammo uppajjati hetupaccayā. Āsavavippayuttaṁ dhammaṁ paṭicca naāsavasampayutto ca naāsavavippayutto ca dhammā uppajjanti hetupaccayā. Āsavasampayuttañca āsavavippayuttañca dhammaṁ paṭicca naāsavasampayutto dhammo uppajjati hetupaccayā. Āsavasampayuttañca āsavavippayuttañca dhammaṁ paṭicca naāsavavippayutto dhammo uppajjati hetupaccayā. Āsavasampayuttañca āsavavippayuttañca dhammaṁ paṭicca naāsavasampayutto ca naāsavavippayutto ca dhammā uppajjanti hetupaccayā. (Saṅkhittaṁ.) Hetuyā nava, ārammaṇe cha …pe… vipāke ekaṁ …pe… avigate nava. (Sabbattha vitthāro.) 14.16. Āsavasāsavaduka Āsavañceva sāsavañca dhammaṁ paṭicca naāsavo ceva naanāsavo ca dhammo uppajjati hetupaccayā. Āsavañceva sāsavañca dhammaṁ paṭicca naanāsavo ceva nano ca āsavo dhammo uppajjati hetupaccayā. Āsavañceva sāsavañca dhammaṁ paṭicca naāsavo ceva naanāsavo ca naanāsavo ceva nano ca āsavo ca dhammā uppajjanti hetupaccayā. Sāsavañceva no ca āsavaṁ dhammaṁ paṭicca naanāsavo ceva nano ca āsavo dhammo uppajjati hetupaccayā … tīṇi. Āsavañceva sāsavañca sāsavañceva no ca āsavañca dhammaṁ paṭicca naāsavo ceva naanāsavo ca dhammo uppajjati hetupaccayā … tīṇi. (Saṅkhittaṁ.) Hetuyā nava …pe… vipāke ekaṁ …pe… avigate nava. (Sabbattha nava.) 14.17. Āsavaāsavasampayuttaduka