Lokiyañca lokuttarañca dhammaṁ paṭicca nalokuttaro dhammo uppajjati hetupaccayā. (Saṅkhittaṁ.) Hetuyā pañca, ārammaṇe dve …pe… avigate pañca. (Sabbattha pañca.) 14.12. Kenaciviññeyyaduka Kenaci viññeyyaṁ dhammaṁ paṭicca nakenaci viññeyyo dhammo uppajjati hetupaccayā. Kenaci viññeyyaṁ dhammaṁ paṭicca nanakenaci viññeyyo dhammo uppajjati hetupaccayā. Kenaci viññeyyaṁ dhammaṁ paṭicca nakenaci viññeyyo ca nanakenaci viññeyyo ca dhammā uppajjanti hetupaccayā. Nakenaci viññeyyaṁ dhammaṁ paṭicca nanakenaci viññeyyo dhammo uppajjati hetupaccayā … tīṇi. Kenaci viññeyyañca nakenaci viññeyyañca dhammaṁ paṭicca nakenaci viññeyyo dhammo uppajjati hetupaccayā … tīṇi. (Saṅkhittaṁ.) Hetuyā nava. (Sabbattha nava.) Cūḷantaradukaṁ niṭṭhitaṁ. 14.13. Āsavaduka Āsavaṁ dhammaṁ paṭicca noāsavo dhammo uppajjati hetupaccayā. Āsavaṁ dhammaṁ paṭicca nanoāsavo dhammo uppajjati hetupaccayā. Āsavaṁ dhammaṁ paṭicca noāsavo ca nanoāsavo ca dhammā uppajjanti hetupaccayā. Noāsavaṁ dhammaṁ paṭicca nanoāsavo dhammo uppajjati hetupaccayā. Noāsavaṁ dhammaṁ paṭicca noāsavo dhammo uppajjati hetupaccayā. Noāsavaṁ dhammaṁ paṭicca noāsavo ca nanoāsavo ca dhammā uppajjanti hetupaccayā.