Anidassanaappaṭighaṁ sahetukaṁ dhammaṁ paṭicca naanidassanaappaṭigho nasahetuko dhammo uppajjati hetupaccayā. Anidassanaappaṭighaṁ sahetukaṁ dhammaṁ paṭicca nasanidassanasappaṭigho nasahetuko dhammo uppajjati hetupaccayā …pe… anidassanaappaṭighaṁ sahetukaṁ dhammaṁ paṭicca nasanidassanasappaṭigho nasahetuko ca naanidassanasappaṭigho nasahetuko ca dhammā uppajjanti hetupaccayā. (Saṅkhittaṁ.) Hetuyā cha, ārammaṇe tīṇi …pe… avigate cha. Anidassanaappaṭighaṁ ahetukaṁ dhammaṁ paṭicca nasanidassanasappaṭigho naahetuko dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi. 16.48. Sanidassanattika, Hetusampayuttaduka Anidassanaappaṭighaṁ hetusampayuttaṁ dhammaṁ paṭicca naanidassanaappaṭigho nahetusampayutto dhammo uppajjati hetupaccayā. Anidassanaappaṭighaṁ hetusampayuttaṁ dhammaṁ paṭicca nasanidassanasappaṭigho nahetusampayutto dhammo uppajjati hetupaccayā …pe… anidassanaappaṭighaṁ hetusampayuttaṁ dhammaṁ paṭicca nasanidassanasappaṭigho nahetusampayutto ca naanidassanasappaṭigho nahetusampayutto ca dhammā uppajjanti hetupaccayā. (Saṅkhittaṁ.) Hetuyā cha, ārammaṇe tīṇi …pe… avigate cha. Anidassanaappaṭighaṁ hetuvippayuttaṁ dhammaṁ paṭicca nasanidassanasappaṭigho nahetuvippayutto dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi. 16.49. Sanidassanattika, Hetusahetukaduka