Nakusalaṁ nahetuṁ nasahetukaṁ dhammaṁ paṭicca abyākato nahetu sahetuko dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi. Nakusalaṁ nahetuṁ naahetukaṁ dhammaṁ paṭicca akusalo nahetu ahetuko dhammo uppajjati hetupaccayā. Naakusalaṁ nahetuṁ naahetukaṁ dhammaṁ paṭicca abyākato nahetu ahetuko dhammo uppajjati hetupaccayā. Naabyākataṁ nahetuṁ naahetukaṁ dhammaṁ paṭicca abyākato nahetu ahetuko dhammo uppajjati hetupaccayā. (Gaṇitakena tīṇi pañhā.) Hetuyā cha, adhipatiyā cha …pe… aññamaññe tīṇi …pe… vipāke tīṇi …pe… avigate cha. 22.5. Kusalattika, Cūḷantaraduka Nakusalo nasappaccayo dhammo kusalassa sappaccayassa dhammassa ārammaṇapaccayena paccayo …. Ārammaṇe cha, adhipatiyā upanissaye cha. (Saṅkhataṁ sappaccayasadisaṁ.) Nakusalaṁ nasanidassanaṁ dhammaṁ paṭicca abyākato sanidassano dhammo uppajjati hetupaccayā. (Saṅkhittaṁ.) Hetuyā cha, adhipatiyā cha …pe… vipāke tīṇi …pe… avigate cha. Nakusalo naanidassano dhammo kusalassa anidassanassa dhammassa ārammaṇapaccayena paccayo. (Nava pañhā kātabbā.) Ārammaṇe nava, adhipatiyā tīṇi, upanissaye purejāte atthiyā avigate nava.