Hetuñceva hetusampayuttañca hetuṁ dhammaṁ paṭicca nahetu ceva nahetuvippayutto ca nahetu dhammo uppajjati hetupaccayā. (Saṅkhittaṁ.) Hetuyā ekaṁ …pe… avigate ekaṁ. Hetusampayuttañceva na ca hetuṁ nahetuṁ dhammaṁ paṭicca nahetuvippayutto ceva nana ca hetu nanahetu dhammo uppajjati hetupaccayā. (Saṅkhittaṁ.) Hetuyā ekaṁ …pe… avigate ekaṁ. (Saṅkhittaṁ.) 18.14. Cūḷantaraduka, Hetuduka Sappaccayaṁ hetuṁ dhammaṁ paṭicca naappaccayo nahetu dhammo uppajjati hetupaccayā. (Saṅkhittaṁ.) Hetuyā ekaṁ …pe… avigate ekaṁ. Sappaccayaṁ nahetuṁ dhammaṁ paṭicca naappaccayo nanahetu dhammo uppajjati hetupaccayā. (Saṅkhittaṁ.) Hetuyā ekaṁ …pe… avigate ekaṁ. (Saṅkhataṁ sappaccayasadisaṁ.) Anidassanaṁ hetuṁ dhammaṁ paṭicca naanidassano nahetu dhammo uppajjati hetupaccayā. (Saṅkhittaṁ.) Hetuyā tīṇi, ārammaṇe ekaṁ …pe… avigate tīṇi. Anidassanaṁ nahetuṁ dhammaṁ paṭicca nasanidassano nanahetu dhammo uppajjati hetupaccayā. (Saṅkhittaṁ.) Hetuyā ekaṁ …pe… avigate ekaṁ.