Anidassanaappaṭighaṁ nahetuṁ sahetukaṁ dhammaṁ paṭicca naanidassanaappaṭigho nahetu nasahetuko dhammo uppajjati hetupaccayā. (Saṅkhittaṁ.) Hetuyā cha, adhipatiyā cha …pe… aññamaññe tīṇi …pe… avigate cha. Anidassanaappaṭighaṁ nahetuṁ ahetukaṁ dhammaṁ paṭicca nasanidassanasappaṭigho nahetu naahetuko dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi. 16.52. Sanidassanattika, Sappaccayaduka Anidassanaappaṭigho appaccayo dhammo nasanidassanasappaṭighassa naappaccayassa dhammassa ārammaṇapaccayena paccayo. Ārammaṇe tīṇi, adhipatiyā tīṇi, upanissaye tīṇi. (Saṅkhittaṁ.) 16.53. Sanidassanattika, Sanidassanaduka Sanidassanasappaṭigho nasanidassano dhammo nasanidassanasappaṭighassa nasanidassanassa dhammassa ārammaṇapaccayena paccayo. (Saṅkhittaṁ.) Ārammaṇe tīṇi, adhipatiyā tīṇi, upanissaye purejāte atthiyā avigate tīṇi. Anidassanasappaṭighaṁ anidassanaṁ dhammaṁ paṭicca naanidassanasappaṭigho naanidassano dhammo uppajjati hetupaccayā. (Saṅkhittaṁ.) Hetuyā nava, adhipatiyā nava …pe… avigate nava. 16.54. Sanidassanattika, Sappaṭighaduka Anidassanasappaṭighaṁ sappaṭighaṁ dhammaṁ paṭicca naanidassanasappaṭigho nasappaṭigho dhammo uppajjati hetupaccayā. Anidassanasappaṭighaṁ sappaṭighaṁ dhammaṁ paṭicca nasanidassanasappaṭigho nasappaṭigho dhammo uppajjati hetupaccayā. Anidassanasappaṭighaṁ sappaṭighaṁ dhammaṁ paṭicca nasanidassanasappaṭigho nasappaṭigho ca naanidassanasappaṭigho nasappaṭigho ca dhammā uppajjanti hetupaccayā. (Saṅkhittaṁ.) Hetuyā tīṇi …pe… avigate tīṇi.