Nasanidassanasappaṭighaṁ naāsavavippayuttañceva nano ca āsavaṁ dhammaṁ paṭicca anidassanaappaṭigho āsavasampayutto ceva no ca āsavo dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi. Nasanidassanasappaṭighaṁ āsavavippayuttaṁ nasāsavaṁ dhammaṁ paṭicca sanidassanasappaṭigho āsavavippayutto sāsavo dhammo uppajjati hetupaccayā. (Saṅkhittaṁ.) Hetuyā ekavīsa, adhipatiyā ekavīsa …pe… avigate ekavīsa. Nasanidassanasappaṭighaṁ āsavavippayuttaṁ naanāsavaṁ dhammaṁ paccayā anidassanaappaṭigho āsavavippayutto anāsavo dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi. 22.31. Sanidassanattika, Saññojanagocchakādi Nasanidassanasappaṭighaṁ nosaññojanaṁ dhammaṁ paṭicca anidassanaappaṭigho saññojano dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi.