Āsavavippayuttaṁ sāsavaṁ abyākataṁ dhammaṁ paccayā āsavavippayutto nasāsavo naabyākato dhammo uppajjati hetupaccayā. Āsavavippayuttaṁ sāsavaṁ abyākataṁ dhammaṁ paccayā āsavavippayutto naanāsavo naabyākato dhammo uppajjati hetupaccayā …. Hetuyā dve …pe… avigate dve. Āsavagocchakaṁ niṭṭhitaṁ. 15.37. Saññojanadukādi, Kusalattika Nosaññojanaṁ kusalaṁ dhammaṁ paṭicca nosaññojano nakusalo dhammo uppajjati hetupaccayā …pe… noganthaṁ kusalaṁ dhammaṁ paṭicca nogantho nakusalo dhammo uppajjati hetupaccayā …pe… nooghaṁ kusalaṁ dhammaṁ paṭicca noogho nakusalo dhammo uppajjati hetupaccayā …pe… noyogaṁ kusalaṁ dhammaṁ paṭicca noyogo nakusalo dhammo uppajjati hetupaccayā …pe… nonīvaraṇaṁ kusalaṁ dhammaṁ paṭicca nonīvaraṇo nakusalo dhammo uppajjati hetupaccayā …pe… noparāmāsaṁ kusalaṁ dhammaṁ paṭicca noparāmāso nakusalo dhammo uppajjati hetupaccayā. (Saṅkhittaṁ.) Hetuyā ekaṁ …pe… avigate ekaṁ. 15.38. Sārammaṇaduka, Kusalattika Sārammaṇaṁ kusalaṁ dhammaṁ paṭicca nasārammaṇo nakusalo dhammo uppajjati hetupaccayā. Hetuyā ekaṁ …pe… avigate ekaṁ. Sārammaṇaṁ akusalaṁ dhammaṁ paṭicca nasārammaṇo naakusalo dhammo uppajjati hetupaccayā. Hetuyā ekaṁ …pe… avigate ekaṁ. Anārammaṇaṁ abyākataṁ dhammaṁ paccayā naanārammaṇo naabyākato dhammo uppajjati hetupaccayā. Hetuyā ekaṁ …pe… avigate ekaṁ. 15.39. Cittaduka, Kusalattika