Nanabhāvanāya pahātabbahetukaṁ dhammaṁ paṭicca nanabhāvanāya pahātabbahetuko dhammo uppajjati hetupaccayā … tīṇi. Nabhāvanāya pahātabbahetukañca nanabhāvanāya pahātabbahetukañca dhammaṁ paṭicca nabhāvanāya pahātabbahetuko dhammo uppajjati hetupaccayā … tīṇi. (Saṅkhittaṁ.) Hetuyā nava, ārammaṇe cha, adhipatiyā pañca …pe… vipāke ekaṁ …pe… avigate nava. 8.61. Savitakkaduka Nasavitakkaṁ dhammaṁ paṭicca nasavitakko dhammo uppajjati hetupaccayā … tīṇi. Naavitakkaṁ dhammaṁ paṭicca naavitakko dhammo uppajjati hetupaccayā … tīṇi. Nasavitakkañca naavitakkañca dhammaṁ paṭicca nasavitakko dhammo uppajjati hetupaccayā … tīṇi. (Saṅkhittaṁ.) Hetuyā nava …pe… purejāte āsevane cha …pe… avigate nava. 8.62. Savicāraduka Nasavicāraṁ dhammaṁ paṭicca nasavicāro dhammo uppajjati hetupaccayā … tīṇi. Naavicāraṁ dhammaṁ paṭicca naavicāro dhammo uppajjati hetupaccayā … tīṇi. Nasavicārañca naavicārañca dhammaṁ paṭicca nasavicāro dhammo uppajjati hetupaccayā … tīṇi. (Saṅkhittaṁ.) Hetuyā nava …pe… purejāte āsevane cha …pe… avigate nava. 8.63. Sappītikaduka Nasappītikaṁ dhammaṁ paṭicca nasappītiko dhammo uppajjati hetupaccayā … tīṇi.
