Noāsavaṁ kusalaṁ dhammaṁ paṭicca noāsavo nakusalo dhammo uppajjati hetupaccayā. Hetuyā ekaṁ …pe… avigate ekaṁ. Āsavaṁ akusalaṁ dhammaṁ paṭicca noāsavo naakusalo dhammo uppajjati hetupaccayā …. Hetuyā tīṇi …pe… avigate tīṇi. Noāsavaṁ abyākataṁ dhammaṁ paccayā nanoāsavo naabyākato dhammo uppajjati hetupaccayā …. Hetuyā tīṇi …pe… avigate tīṇi. 15.33. Sāsavaduka, Kusalattika Sāsavaṁ kusalaṁ dhammaṁ paṭicca naanāsavo nakusalo dhammo uppajjati hetupaccayā. Anāsavaṁ kusalaṁ dhammaṁ paṭicca naanāsavo nakusalo dhammo uppajjati hetupaccayā …. Hetuyā dve …pe… avigate dve. Sāsavaṁ akusalaṁ dhammaṁ paṭicca naanāsavo naakusalo dhammo uppajjati hetupaccayā. Hetuyā ekaṁ …pe… avigate ekaṁ. Sāsavaṁ abyākataṁ dhammaṁ paccayā nasāsavo naabyākato dhammo uppajjati hetupaccayā …. Hetuyā dve …pe… avigate dve. 15.34. Āsavasampayuttaduka, Kusalattika Āsavavippayuttaṁ kusalaṁ dhammaṁ paṭicca naāsavasampayutto nakusalo dhammo uppajjati hetupaccayā. Hetuyā ekaṁ …pe… avigate ekaṁ. Āsavasampayuttaṁ akusalaṁ dhammaṁ paṭicca naāsavasampayutto naakusalo dhammo uppajjati hetupaccayā …. Hetuyā tīṇi …pe… avigate tīṇi.