Namicchattaniyataṁ naabyākataṁ dhammaṁ paṭicca aniyato abyākato dhammo uppajjati hetupaccayā. (Saṅkhittaṁ.) Hetuyā cha, adhipatiyā cha …pe… avigate cha. 23.34. Maggārammaṇattika, Kusalattika Namaggārammaṇaṁ nakusalaṁ dhammaṁ paccayā maggārammaṇo kusalo dhammo uppajjati hetupaccayā. (Saṅkhittaṁ.) Hetuyā pañcatiṁsa …pe… avigate pañcatiṁsa. (Naakusalaṁ naabyākataṁ natthi.) 23.35. Uppannattikādi, Kusalattika Nauppanno nakusalo dhammo uppannassa kusalassa dhammassa ārammaṇapaccayena paccayo. Ārammaṇe satta, adhipatiyā cha, upanissaye satta. Nauppanno naakusalo dhammo uppannassa akusalassa dhammassa ārammaṇapaccayena paccayo. Ārammaṇe cha, adhipatiyā cha, upanissaye cha. Naanupanno naabyākato dhammo uppannassa abyākatassa dhammassa hetupaccayena paccayo … tīṇi. Nauppanno naabyākato dhammo uppannassa abyākatassa dhammassa ārammaṇapaccayena paccayo. (Saṅkhittaṁ.) Hetuyā tīṇi, ārammaṇe satta, adhipatiyā cattāri, sahajāte nissaye tīṇi, upanissaye satta …pe… avigate tīṇi. Atītattikaṁ uppannattikasadisaṁ. 23.36. Atītārammaṇattika, Kusalattika