Anidassanaappaṭighaṁ upādinnaṁ dhammaṁ paṭicca naanidassanaappaṭigho naupādinno dhammo uppajjati hetupaccayā. Anidassanaappaṭighaṁ upādinnaṁ dhammaṁ paṭicca nasanidassanasappaṭigho naupādinno dhammo uppajjati hetupaccayā …pe… anidassanaappaṭighaṁ upādinnaṁ dhammaṁ paṭicca nasanidassanasappaṭigho naupādinno ca naanidassanasappaṭigho naupādinno ca dhammā uppajjanti hetupaccayā. (Saṅkhittaṁ.) Hetuyā cha, sahajāte nissaye kamme vipāke āhāre indriye jhāne magge vippayutte atthiyā avigate cha. Sanidassanasappaṭigho anupādinno dhammo nasanidassanasappaṭighassa naanupādinnassa dhammassa ārammaṇapaccayena paccayo. (Saṅkhittaṁ.) Ārammaṇe nava, anantare samanantare tīṇi, upanissaye purejāte nava, kamme cha, atthiyā nava, natthiyā vigate tīṇi, avigate nava. 16.77. Sanidassanattika, Upādānadukādi Anidassanaappaṭighaṁ upādānaṁ dhammaṁ paṭicca naanidassanaappaṭigho noupādāno dhammo uppajjati hetupaccayā. (Saṅkhittaṁ.) Hetuyā cha, ārammaṇe tīṇi …pe… avigate cha. Anidassanaappaṭighaṁ kilesaṁ dhammaṁ paṭicca naanidassanaappaṭigho nokileso dhammo uppajjati hetupaccayā. (Saṅkhittaṁ.) Hetuyā cha, ārammaṇe tīṇi …pe… avigate cha. 16.78. Sanidassanattika, Dassanenapahātabbaduka Anidassanaappaṭighaṁ dassanena pahātabbaṁ dhammaṁ paṭicca naanidassanaappaṭigho nadassanena pahātabbo dhammo uppajjati hetupaccayā. (Saṅkhittaṁ.) Hetuyā cha, adhipatiyā cha …pe… avigate cha.