Nasanidassanasappaṭighañca naanidassanaappaṭighañca dhammaṁ paṭicca nasanidassanasappaṭigho dhammo uppajjati hetupaccayā …. Cha. Nasanidassanasappaṭighañca naanidassanasappaṭighañca dhammaṁ paṭicca nasanidassanasappaṭigho dhammo uppajjati hetupaccayā …. Cha. (Saṅkhittaṁ.) Hetuyā tiṁsa, ārammaṇe nava …pe… aññamaññe pañcavīsa …pe… avigate tiṁsa. (Yathā kusalattike sahajātavārampi paccayavārampi nissayavārampi saṁsaṭṭhavārampi sampayuttavārampi pañhāvārampi gaṇitaṁ evaṁ gaṇetabbaṁ.)