Parittaṁ hetuṁ dhammaṁ paṭicca namahaggato nahetu dhammo uppajjati hetupaccayā. (Saṅkhittaṁ.) Hetuyā terasa, ārammaṇe nava …pe… aññamaññe ekādasa …pe… avigate terasa. Parittaṁ nahetuṁ dhammaṁ paṭicca naparitto nanahetu dhammo uppajjati hetupaccayā. (Saṅkhittaṁ.) Hetuyā cuddasa, ārammaṇe cuddasa, adhipatiyā nava …pe… avigate cuddasa. 16.37. Parittārammaṇattika, Hetuduka Parittārammaṇaṁ hetuṁ dhammaṁ paṭicca naparittārammaṇo nahetu dhammo uppajjati hetupaccayā. (Saṅkhittaṁ.) Hetuyā ekavīsa, ārammaṇe nava …pe… aññamaññe terasa …pe… vipāke sattarasa …pe… avigate ekavīsa. Parittārammaṇaṁ nahetuṁ dhammaṁ paṭicca namahaggatārammaṇo nanahetu dhammo uppajjati hetupaccayā. (Saṅkhittaṁ.) Hetuyā nava …pe… avigate nava. 16.38. Hīnattika, Hetuduka Hīnaṁ hetuṁ dhammaṁ paṭicca nahīno nahetu dhammo uppajjati hetupaccayā. (Saṅkhittaṁ.) Hetuyā terasa, ārammaṇe nava …pe… vipāke aṭṭha …pe… avigate terasa.