Hetu ceva sahetuko kusalo ca sahetuko ceva na ca hetu kusalo ca dhammā nahetussa ceva naahetukassa nakusalassa dhammassa ārammaṇapaccayena paccayo. Hetu ceva sahetuko kusalo ca sahetuko ceva na ca hetu kusalo ca dhammā naahetukassa ceva nana ca hetussa nakusalassa dhammassa ārammaṇapaccayena paccayo. Hetu ceva sahetuko kusalo ca sahetuko ceva na ca hetu kusalo ca dhammā nahetussa ceva naahetukassa nakusalassa ca naahetukassa ceva nana hetussa nakusalassa ca dhammassa ārammaṇapaccayena paccayo. Ārammaṇe nava, adhipatiyā anantare samanantare upanissaye natthiyā vigate nava. Hetu ceva sahetuko ca akusalo dhammo nahetussa ceva naahetukassa naakusalassa ca dhammassa ārammaṇapaccayena paccayo. (Etena upāyena nava pañhā kātabbā.) Ārammaṇe nava, anantare samanantare upanissaye natthiyā vigate nava. Hetu ceva sahetuko ca abyākato dhammo nahetussa ceva naahetukassa ca naabyākatassa dhammassa ārammaṇapaccayena paccayo. (Nava pañhā kātabbā.) Ārammaṇe adhipatiyā upanissaye nava. (Saṅkhittaṁ. Hetuhetusampayuttadukaṁ hetusahetukadukasadisaṁ. Saṅkhittaṁ. Nava pañhā.) 15.26. Nahetusahetukaduka, Kusalattika Nahetuṁ sahetukaṁ kusalaṁ dhammaṁ paṭicca nahetu nasahetuko nakusalo dhammo uppajjati hetupaccayā. Hetuyā ekaṁ …pe… avigate ekaṁ. Nahetuṁ sahetukaṁ akusalaṁ dhammaṁ paṭicca nahetu nasahetuko naakusalo dhammo uppajjati hetupaccayā. Hetuyā ekaṁ …pe… avigate ekaṁ.