Nakusalaṁ naajjhattaṁ dhammaṁ paṭicca …pe… nakusalaṁ nabahiddhā dhammaṁ paṭicca …. (Saṅkhittaṁ.) Nakusalaṁ naajjhattārammaṇaṁ dhammaṁ paṭicca …pe… nakusalaṁ nabahiddhārammaṇaṁ dhammaṁ paṭicca …. (Saṅkhittaṁ.) Hetuyā ekūnatiṁsa, ārammaṇe catuvīsa …pe… vipāke nava …pe… avigate ekūnatiṁsa. 11.9. Kusalattika, Sanidassanattika Nakusalaṁ nasanidassanasappaṭighaṁ dhammaṁ paṭicca nakusalo nasanidassanasappaṭigho dhammo uppajjati hetupaccayā. Nakusalaṁ nasanidassanasappaṭighaṁ dhammaṁ paṭicca naakusalo nasanidassanasappaṭigho dhammo uppajjati hetupaccayā. Nakusalaṁ nasanidassanasappaṭighaṁ dhammaṁ paṭicca naabyākato nasanidassanasappaṭigho dhammo uppajjati hetupaccayā. Nakusalaṁ nasanidassanasappaṭighaṁ dhammaṁ paṭicca nakusalo nasanidassanasappaṭigho ca naabyākato nasanidassanasappaṭigho ca dhammā uppajjanti hetupaccayā. Nakusalaṁ nasanidassanasappaṭighaṁ dhammaṁ paṭicca nakusalo nasanidassanasappaṭigho ca naakusalo nasanidassanasappaṭigho ca dhammā uppajjanti hetupaccayā.
