Nanevavipākanavipākadhammadhammaṁ paṭicca nanevavipākanavipākadhammadhammo uppajjati hetupaccayā. (Saṅkhittaṁ.) Hetuyā bāttiṁsa, ārammaṇe sattavīsa, adhipatiyā ekūnatiṁsa …pe… aññamaññe tiṁsa …pe… purejāte catuvīsa, āsevane sattarasa …pe… vipāke pañcavīsa …pe… avigate bāttiṁsa. 7.4. Upādinnattika Naupādinnupādāniyaṁ dhammaṁ paṭicca naupādinnupādāniyo dhammo uppajjati hetupaccayā …pe…. Naanupādinnupādāniyaṁ dhammaṁ paṭicca naanupādinnupādāniyo dhammo uppajjati hetupaccayā …pe…. Naanupādinnaanupādāniyaṁ dhammaṁ paṭicca naanupādinnaanupādāniyo dhammo uppajjati hetupaccayā. (Saṅkhittaṁ.) Hetuyā ekūnatiṁsa, ārammaṇe catuvīsa, adhipatiyā ekavīsa …pe… āsevane sattarasa …pe… avigate ekūnatiṁsa. 7.5. Saṅkiliṭṭhattika Nasaṅkiliṭṭhasaṅkilesikaṁ dhammaṁ paṭicca nasaṅkiliṭṭhasaṅkilesiko dhammo uppajjati hetupaccayā …pe…. Naasaṅkiliṭṭhasaṅkilesikaṁ dhammaṁ paṭicca naasaṅkiliṭṭhasaṅkilesiko dhammo uppajjati hetupaccayā …pe…. Naasaṅkiliṭṭhaasaṅkilesikaṁ dhammaṁ paṭicca naasaṅkiliṭṭhaasaṅkilesiko dhammo uppajjati hetupaccayā. (Saṅkhittaṁ.) Hetuyā ekūnatiṁsa, ārammaṇe catuvīsa …pe… vipāke ekavīsa …pe… avigate ekūnatiṁsa. 7.6. Vitakkattika Nasavitakkasavicāraṁ dhammaṁ paṭicca nasavitakkasavicāro dhammo uppajjati hetupaccayā …pe…. Naavitakkavicāramattaṁ dhammaṁ paṭicca naavitakkavicāramatto dhammo uppajjati hetupaccayā …pe…. Naavitakkaavicāraṁ dhammaṁ paṭicca naavitakkaavicāro dhammo uppajjati hetupaccayā. (Saṅkhittaṁ.) Hetuyā aṭṭhacattālīsa, ārammaṇe pañcacattālīsa, adhipatiyā sattacattālīsa …pe… purejāte āsevane catucattālīsa …pe… avigate aṭṭhacattālīsa. 7.7. Pītittika