Naappaccayaṁ dhammaṁ paṭicca naappaccayo dhammo uppajjati hetupaccayā. Hetuyā ekaṁ …pe… avigate ekaṁ. (Sabbattha vitthāro.) Naappaccayo dhammo naappaccayassa dhammassa hetupaccayena paccayo. Nasappaccayo dhammo naappaccayassa dhammassa ārammaṇapaccayena paccayo. (Saṅkhittaṁ.) Hetuyā ekaṁ, ārammaṇe dve, adhipatiyā dve …pe… upanissaye dve …pe… avigate ekaṁ. (Sabbattha vitthāro.) 8.8. Saṅkhataduka Naasaṅkhataṁ dhammaṁ paṭicca naasaṅkhato dhammo uppajjati hetupaccayā. Hetuyā ekaṁ …pe… avigate ekaṁ. (Sappaccayadukasadisaṁ.) 8.9. Sanidassanaduka Nasanidassanaṁ dhammaṁ paṭicca nasanidassano dhammo uppajjati hetupaccayā. Nasanidassanaṁ dhammaṁ paṭicca naanidassano dhammo uppajjati hetupaccayā. Nasanidassanaṁ dhammaṁ paṭicca nasanidassano ca naanidassano ca dhammā uppajjanti hetupaccayā. (Saṅkhittaṁ.) Hetuyā tīṇi, ārammaṇe ekaṁ …pe… avigate tīṇi. 8.10. Sappaṭighaduka