Nakusalaṁ naaraṇaṁ dhammaṁ paṭicca abyākato araṇo dhammo uppajjati hetupaccayā. Naabyākataṁ naaraṇaṁ dhammaṁ paṭicca abyākato araṇo dhammo uppajjati hetupaccayā. Nakusalaṁ naaraṇañca naabyākataṁ naaraṇañca dhammaṁ paṭicca abyākato araṇo dhammo uppajjati hetupaccayā. (Saṅkhittaṁ.) Hetuyā tīṇi, adhipatiyā tīṇi …pe… avigate tīṇi. 22.17. Vedanāttika, Hetuduka Nasukhāya vedanāya sampayuttaṁ nahetuṁ dhammaṁ paṭicca sukhāya vedanāya sampayutto hetu dhammo uppajjati hetupaccayā. Nasukhāya vedanāya sampayuttaṁ nahetuṁ dhammaṁ paṭicca dukkhāya vedanāya sampayutto hetu dhammo uppajjati hetupaccayā. Nasukhāya vedanāya sampayuttaṁ nahetuṁ dhammaṁ paṭicca adukkhamasukhāya vedanāya sampayutto hetu dhammo uppajjati hetupaccayā … tīṇi. Nadukkhāya vedanāya sampayuttaṁ nahetuṁ dhammaṁ paṭicca dukkhāya vedanāya sampayutto hetu dhammo uppajjati hetupaccayā … tīṇi. Naadukkhamasukhāya vedanāya sampayuttaṁ nahetuṁ dhammaṁ paṭicca adukkhamasukhāya vedanāya sampayutto hetu dhammo uppajjati hetupaccayā … tīṇi.
