Āsavañca noāsavañca dhammaṁ paṭicca noāsavo dhammo uppajjati hetupaccayā. Āsavañca noāsavañca dhammaṁ paṭicca nanoāsavo dhammo uppajjati hetupaccayā. Āsavañca noāsavañca dhammaṁ paṭicca noāsavo ca nanoāsavo ca dhammā uppajjanti hetupaccayā. (Saṅkhittaṁ.) Hetuyā nava. (Sabbattha nava.) 14.14. Sāsavaduka Sāsavaṁ dhammaṁ paṭicca naanāsavo dhammo uppajjati hetupaccayā. Anāsavaṁ dhammaṁ paṭicca naanāsavo dhammo uppajjati hetupaccayā. Anāsavaṁ dhammaṁ paṭicca nasāsavo dhammo uppajjati hetupaccayā. Anāsavaṁ dhammaṁ paṭicca nasāsavo ca naanāsavo ca dhammā uppajjanti hetupaccayā. Sāsavañca anāsavañca dhammaṁ paṭicca naanāsavo dhammo uppajjati hetupaccayā. (Saṅkhittaṁ.) Hetuyā pañca, ārammaṇe dve …pe… avigate pañca. (Sabbattha vitthāro.) 14.15. Āsavasampayuttaduka Āsavasampayuttaṁ dhammaṁ paṭicca naāsavasampayutto dhammo uppajjati hetupaccayā. Āsavasampayuttaṁ dhammaṁ paṭicca naāsavavippayutto dhammo uppajjati hetupaccayā. Āsavasampayuttaṁ dhammaṁ paṭicca naāsavasampayutto ca naāsavavippayutto ca dhammā uppajjanti hetupaccayā.