Naanupādinnupādāniyaṁ nakusalaṁ dhammaṁ paccayā anupādinnupādāniyo kusalo dhammo uppajjati hetupaccayā. (Saṅkhittaṁ.) Hetuyā cha …pe… avigate cha. Naanupādinnupādāniyaṁ naakusalaṁ dhammaṁ paccayā anupādinnupādāniyo akusalo dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi. Naupādinnupādāniyaṁ naabyākataṁ dhammaṁ paṭicca anupādinnupādāniyo abyākato dhammo uppajjati hetupaccayā. (Saṅkhittaṁ.) Hetuyā pañca, adhipatiyā pañca …pe… avigate pañca. 23.23. Saṅkiliṭṭhattika, Kusalattika Nasaṅkiliṭṭhasaṅkilesikaṁ nakusalaṁ dhammaṁ paccayā asaṅkiliṭṭhasaṅkilesiko kusalo dhammo uppajjati hetupaccayā. (Saṅkhittaṁ.) Hetuyā cha …pe… avigate cha. Nasaṅkiliṭṭhasaṅkilesikaṁ naakusalaṁ dhammaṁ paccayā saṅkiliṭṭhasaṅkilesiko akusalo dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi.