Araṇaṁ anidassanasappaṭighaṁ dhammaṁ paṭicca nasaraṇo naanidassanasappaṭigho dhammo uppajjati hetupaccayā. (Sabbattha ekaṁ.) Saraṇaṁ anidassanaappaṭighaṁ dhammaṁ paṭicca nasaraṇo naanidassanaappaṭigho dhammo uppajjati hetupaccayā. Araṇaṁ anidassanaappaṭighaṁ dhammaṁ paṭicca nasaraṇo naanidassanaappaṭigho dhammo uppajjati hetupaccayā. Saraṇaṁ anidassanaappaṭighañca araṇaṁ anidassanaappaṭighañca dhammaṁ paṭicca nasaraṇo naanidassanaappaṭigho dhammo uppajjati hetupaccayā. Hetuyā tīṇi, aññamaññe ekaṁ …pe… vipāke ekaṁ …pe… avigate tīṇi. Nahetu-naārammaṇa Araṇaṁ anidassanaappaṭighaṁ dhammaṁ paṭicca nasaraṇo naanidassanaappaṭigho dhammo uppajjati nahetupaccayā. Saraṇaṁ anidassanaappaṭighaṁ dhammaṁ paṭicca nasaraṇo naanidassanaappaṭigho dhammo uppajjati naārammaṇapaccayā. (Saṅkhittaṁ.) Nahetuyā ekaṁ, naārammaṇe tīṇi …pe… nakamme ekaṁ …pe… naāhāre naindriye najhāne namagge ekaṁ …pe… navippayutte ekaṁ …pe… novigate tīṇi. (Sahajātavārampi …pe… sampayuttavārampi paṭiccavārasadisaṁ.) Saraṇo anidassanaappaṭigho dhammo nasaraṇassa naanidassanaappaṭighassa dhammassa hetupaccayena paccayo.