Hetuyā dve, ārammaṇe dve …pe… avigate dve. (Saṅkhittaṁ.) (Sahajātavāropi …pe… pañhāvāropi vitthāretabbā.) Nīvaraṇavippayuttaṁ nīvaraṇiyaṁ abyākataṁ dhammaṁ paṭicca nīvaraṇavippayutto nīvaraṇiyo abyākato dhammo uppajjati hetupaccayā. Nīvaraṇavippayuttaṁ anīvaraṇiyaṁ abyākataṁ dhammaṁ paṭicca nīvaraṇavippayutto anīvaraṇiyo abyākato dhammo uppajjati hetupaccayā … tīṇi. Nīvaraṇavippayuttaṁ nīvaraṇiyaṁ abyākatañca nīvaraṇavippayuttaṁ anīvaraṇiyaṁ abyākatañca dhammaṁ paṭicca nīvaraṇavippayutto nīvaraṇiyo abyākato dhammo uppajjati hetupaccayā. (Saṅkhittaṁ.) Hetuyā pañca, ārammaṇe dve …pe… āsevane ekaṁ, vipāke pañca …pe… avigate pañca. (Saṅkhittaṁ.) (Sahajātavārepi …pe… pañhāvārepi sabbattha vitthāretabbaṁ.) Nīvaraṇagocchakakusalattikaṁ niṭṭhitaṁ. 3.9. Parāmāsagocchaka, Kusalattika 3.9.1. Parāmāsaduka, Kusalattika Hetu