Hetuyā tīṇi, ārammaṇe nava, adhipatiyā nava, anantare nava, samanantare nava, sahajāte nava, aññamaññe nava, nissaye nava, upanissaye nava, āsevane nava, kamme tīṇi, vipāke nava, āhāre tīṇi, indriye nava, jhāne tīṇi, magge nava, sampayutte nava, atthiyā nava, natthiyā nava, vigate nava, avigate nava. (Anulomaṁ.) Paccanīyuddhāra Hetu adukkhamasukhāya vedanāya sampayutto dhammo hetussa adukkhamasukhāya vedanāya sampayuttassa dhammassa ārammaṇapaccayena paccayo … sahajātapaccayena paccayo … upanissayapaccayena paccayo. (Saṅkhittaṁ.) Nahetuyā nava, naārammaṇe nava. (Saṅkhittaṁ, paccanīyaṁ.) Hetupaccayā naārammaṇe tīṇi. (Saṅkhittaṁ, anulomapaccanīyaṁ.) Nahetupaccayā ārammaṇe nava. (Saṅkhittaṁ, paccanīyānulomaṁ.) (Yathā kusalattike pañhāvārassa anulomampi paccanīyampi anulomapaccanīyampi paccanīyānulomampi gaṇitaṁ, evaṁ gaṇetabbaṁ.) Hetudukavedanāttikaṁ niṭṭhitaṁ. 3.1.3. Hetuduka, Vipākattika 3.1.3.1. Vipākapada 3.1.3.1.1–6 Paṭiccādivāra Paccayacatukka 1.3.1.7. Pañhāvāra Paccayacatukka Hetu Hetuṁ vipākaṁ dhammaṁ paṭicca hetu vipāko dhammo uppajjati hetupaccayā. Hetuṁ vipākaṁ dhammaṁ paṭicca nahetu vipāko dhammo uppajjati hetupaccayā. Hetuṁ vipākaṁ dhammaṁ paṭicca hetu vipāko ca nahetu vipāko ca dhammā uppajjanti hetupaccayā. Nahetuṁ vipākaṁ dhammaṁ paṭicca nahetu vipāko dhammo uppajjati hetupaccayā … tīṇi.