Sappaṭighaṁ dhammaṁ paṭicca nasappaṭigho dhammo uppajjati hetupaccayā. Sappaṭighaṁ dhammaṁ paṭicca naappaṭigho dhammo uppajjati hetupaccayā. Sappaṭighaṁ dhammaṁ paṭicca nasappaṭigho ca naappaṭigho ca dhammā uppajjanti hetupaccayā. Appaṭighaṁ dhammaṁ paṭicca naappaṭigho dhammo uppajjati hetupaccayā. Appaṭighaṁ dhammaṁ paṭicca nasappaṭigho dhammo uppajjati hetupaccayā. Appaṭighaṁ dhammaṁ paṭicca nasappaṭigho ca naappaṭigho ca dhammā uppajjanti hetupaccayā. Sappaṭighañca appaṭighañca dhammaṁ paṭicca nasappaṭigho dhammo uppajjati hetupaccayā. Sappaṭighañca appaṭighañca dhammaṁ paṭicca naappaṭigho dhammo uppajjati hetupaccayā. Sappaṭighañca appaṭighañca dhammaṁ paṭicca nasappaṭigho ca naappaṭigho ca dhammā uppajjanti hetupaccayā. (Saṅkhittaṁ.) Hetuyā nava, ārammaṇe ekaṁ …pe… aññamaññe cha …pe… avigate nava. (Sabbattha vitthāro.) 14.10. Rūpīduka Rūpiṁ dhammaṁ paṭicca narūpī dhammo uppajjati hetupaccayā. (Saṅkhittaṁ.) Hetuyā nava, ārammaṇe tīṇi, adhipatiyā pañca …pe… aññamaññe cha …pe… purejāte āsevane ekaṁ …pe… avigate nava. (Sabbattha vitthāro.) 14.11. Lokiyaduka Lokiyaṁ dhammaṁ paṭicca nalokuttaro dhammo uppajjati hetupaccayā. Lokuttaraṁ dhammaṁ paṭicca nalokuttaro dhammo uppajjati hetupaccayā. Lokuttaraṁ dhammaṁ paṭicca nalokiyo dhammo uppajjati hetupaccayā. (Lokuttaraṁ dhammaṁ paṭicca nalokiyo ca nalokuttaro ca dhammā uppajjanti hetupaccayā.)