Araṇaṁ parittaṁ dhammaṁ paṭicca nasaraṇo naparitto dhammo uppajjati hetupaccayā. Hetuyā ekaṁ …pe… avigate ekaṁ. Araṇaṁ mahaggataṁ dhammaṁ paṭicca nasaraṇo namahaggato dhammo uppajjati hetupaccayā. Hetuyā ekaṁ …pe… avigate ekaṁ. Araṇaṁ appamāṇaṁ dhammaṁ paṭicca nasaraṇo naappamāṇo dhammo uppajjati hetupaccayā. Hetuyā ekaṁ …pe… avigate ekaṁ. 15.82. Saraṇaduka, Parittārammaṇattika Saraṇaṁ parittārammaṇaṁ dhammaṁ paṭicca nasaraṇo naparittārammaṇo dhammo uppajjati hetupaccayā. Araṇaṁ parittārammaṇaṁ dhammaṁ paṭicca nasaraṇo naparittārammaṇo dhammo uppajjati hetupaccayā. Hetuyā dve …pe… avigate dve. Saraṇaṁ mahaggatārammaṇaṁ dhammaṁ paṭicca nasaraṇo namahaggatārammaṇo dhammo uppajjati hetupaccayā. Araṇaṁ mahaggatārammaṇaṁ dhammaṁ paṭicca nasaraṇo namahaggatārammaṇo dhammo uppajjati hetupaccayā. Hetuyā dve …pe… avigate dve. Araṇaṁ appamāṇārammaṇaṁ dhammaṁ paṭicca nasaraṇo naappamāṇārammaṇo dhammo uppajjati hetupaccayā. Hetuyā ekaṁ …pe… avigate ekaṁ. 15.83. Saraṇaduka, Hīnattika Saraṇaṁ hīnaṁ dhammaṁ paṭicca nasaraṇo nahīno dhammo uppajjati hetupaccayā. Hetuyā ekaṁ …pe… avigate ekaṁ. Araṇaṁ majjhimaṁ dhammaṁ paccayā naaraṇo namajjhimo dhammo uppajjati hetupaccayā. Araṇaṁ majjhimaṁ dhammaṁ paccayā nasaraṇo namajjhimo dhammo uppajjati hetupaccayā. Hetuyā dve …pe… vipāke ekaṁ …pe… avigate dve.