Araṇaṁ paṇītaṁ dhammaṁ paṭicca nasaraṇo napaṇīto dhammo uppajjati hetupaccayā. Hetuyā ekaṁ …pe… avigate ekaṁ. 15.84. Saraṇaduka, Micchattaniyatattika Saraṇaṁ micchattaniyataṁ dhammaṁ paṭicca nasaraṇo namicchattaniyato dhammo uppajjati hetupaccayā. Hetuyā ekaṁ …pe… avigate ekaṁ. Araṇaṁ sammattaniyataṁ dhammaṁ paṭicca nasaraṇo nasammattaniyato dhammo uppajjati hetupaccayā. Hetuyā ekaṁ …pe… avigate ekaṁ. Araṇaṁ aniyataṁ dhammaṁ paccayā naaraṇo naaniyato dhammo uppajjati hetupaccayā. Araṇaṁ aniyataṁ dhammaṁ paccayā nasaraṇo naaniyato dhammo uppajjati hetupaccayā. Hetuyā dve …pe… avigate dve. 15.85. Saraṇaduka, Maggārammaṇattika Araṇaṁ maggārammaṇaṁ dhammaṁ paṭicca nasaraṇo namaggārammaṇo dhammo uppajjati hetupaccayā. Hetuyā ekaṁ …pe… avigate ekaṁ. Araṇaṁ maggahetukaṁ dhammaṁ paṭicca nasaraṇo namaggahetuko dhammo uppajjati hetupaccayā. Hetuyā ekaṁ …pe… avigate ekaṁ. Araṇaṁ maggādhipatiṁ dhammaṁ paṭicca nasaraṇo namaggādhipati dhammo uppajjati hetupaccayā. Hetuyā ekaṁ …pe… avigate ekaṁ. 15.86. Saraṇaduka, Uppannattika Saraṇo anuppanno dhammo nasaraṇassa naanuppannassa dhammassa ārammaṇapaccayena paccayo. Ārammaṇe cattāri, adhipatiyā tīṇi, upanissaye cattāri.