Abyākataṁ dukkhāya vedanāya sampayuttaṁ dhammaṁ paṭicca nakusalo nadukkhāya vedanāya sampayutto dhammo uppajjati nahetupaccayā. Abyākataṁ dukkhāya vedanāya sampayuttaṁ dhammaṁ paṭicca naakusalo nadukkhāya vedanāya sampayutto dhammo uppajjati nahetupaccayā. Abyākataṁ dukkhāya vedanāya sampayuttaṁ dhammaṁ paṭicca nakusalo nadukkhāya vedanāya sampayutto ca naakusalo nadukkhāya vedanāya sampayutto ca dhammā uppajjanti nahetupaccayā. (Saṅkhittaṁ.) Nahetuyā tīṇi, naārammaṇe tīṇi, naadhipatiyā aṭṭha …pe… napurejāte pañca …pe… navipāke pañca, najhāne namagge nasampayutte tīṇi, nonatthiyā novigate tīṇi. (Sahajātavārampi …pe… pañhāvārampi vitthāretabbaṁ.) Kusalaṁ adukkhamasukhāya vedanāya sampayuttaṁ dhammaṁ paṭicca nakusalo naadukkhamasukhāya vedanāya sampayutto dhammo uppajjati hetupaccayā. (Saṅkhittaṁ.) Hetuyā terasa, ārammaṇe nava …pe… vipāke tīṇi …pe… avigate terasa. (Sabbattha vitthāro.) 17.2. Kusalattika, Vipākattika Abyākataṁ vipākaṁ dhammaṁ paṭicca nakusalo navipāko dhammo uppajjati hetupaccayā. (Saṅkhittaṁ.) Hetuyā tīṇi, adhipatiyā tīṇi …pe… avigate tīṇi. Kusalaṁ vipākadhammadhammaṁ paṭicca nakusalo navipākadhammadhammo uppajjati hetupaccayā. Kusalaṁ vipākadhammadhammaṁ paṭicca naakusalo navipākadhammadhammo uppajjati hetupaccayā. Kusalaṁ vipākadhammadhammaṁ paṭicca nakusalo navipākadhammadhammo ca naakusalo navipākadhammadhammo ca dhammā uppajjanti hetupaccayā … tīṇi.