Hetuyā cuddasa, adhipatiyā cuddasa …pe… avigate cuddasa. Sukhāya vedanāya sampayuttaṁ akusalaṁ dhammaṁ paṭicca nasukhāya vedanāya sampayutto naakusalo dhammo uppajjati hetupaccayā … satta. Dukkhāya vedanāya sampayuttaṁ akusalaṁ dhammaṁ paṭicca nadukkhāya vedanāya sampayutto naakusalo dhammo uppajjati hetupaccayā … satta. Adukkhamasukhāya vedanāya sampayuttaṁ akusalaṁ dhammaṁ paṭicca naadukkhamasukhāya vedanāya sampayutto naakusalo dhammo uppajjati hetupaccayā … satta. (Ekavīsati pañhā.) Hetuyā adhipatiyā ekavīsati …pe… avigate ekavīsati. Sukhāya vedanāya sampayutto abyākato dhammo nasukhāya vedanāya sampayuttassa naabyākatassa dhammassa ārammaṇapaccayena paccayo. (Saṅkhittaṁ.) Ārammaṇe ekavīsati, adhipatiyā dasa, anantare cha …pe… upanissaye ekavīsati, natthiyā vigate cha. (Dukkhāya vedanāya sampayuttaabyākatamūlaṁ adukkhamasukhāya vedanāya sampayuttaabyākatamūlampi kātabbaṁ.) 17.22. Vipākattika, Kusalattika Vipākadhammadhammaṁ kusalaṁ dhammaṁ paṭicca navipākadhammadhammo nakusalo dhammo uppajjati hetupaccayā. (Saṅkhittaṁ.) Hetuyā tīṇi, adhipatiyā tīṇi …pe… avigate tīṇi. Vipākadhammadhammaṁ akusalaṁ dhammaṁ paṭicca navipākadhammadhammo naakusalo dhammo uppajjati hetupaccayā. (Saṅkhittaṁ.) Hetuyā tīṇi, adhipatiyā tīṇi …pe… avigate tīṇi.