Abyākataṁ appaṭighaṁ dhammaṁ paṭicca abyākato appaṭigho dhammo uppajjati ārammaṇapaccayā. (Saṅkhittaṁ.) Hetuyā nava, ārammaṇe tīṇi, adhipatiyā nava …pe… vipāke ekaṁ …pe… avigate nava. (Saṅkhittaṁ.) Nahetu Akusalaṁ appaṭighaṁ dhammaṁ paṭicca akusalo appaṭigho dhammo uppajjati nahetupaccayā. Abyākataṁ appaṭighaṁ dhammaṁ paṭicca abyākato appaṭigho dhammo uppajjati nahetupaccayā. (Saṅkhittaṁ.) Nahetuyā dve, naārammaṇe pañca, naadhipatiyā nava …pe… novigate pañca. (Saṅkhittaṁ.) (Sahajātavārampi …pe… sampayuttavārampi paṭiccavārasadisaṁ.) Hetu Kusalo appaṭigho dhammo kusalassa appaṭighassa dhammassa hetupaccayena paccayo … tīṇi. Akusalo appaṭigho dhammo akusalassa appaṭighassa dhammassa hetupaccayena paccayo … tīṇi. Abyākato appaṭigho dhammo abyākatassa appaṭighassa dhammassa hetupaccayena paccayo. (Saṅkhittaṁ.) Hetuyā satta, ārammaṇe nava, adhipatiyā dasa …pe… avigate terasa. (Saṅkhittaṁ. Yathā kusalattike pañhāvāraṁ, evaṁ vitthāretabbaṁ.) 4.3.5. Kusalattika, Rūpīduka Hetu