Abyākataṁ rūpiṁ dhammaṁ paṭicca abyākato rūpī dhammo uppajjati hetupaccayā. (Saṅkhittaṁ.) Hetuyā ekaṁ, ārammaṇe ekaṁ …pe… avigate ekaṁ. (Saṅkhittaṁ.) (Sahajātavārepi …pe… pañhāvārepi sabbattha ekaṁ.) Kusalaṁ arūpiṁ dhammaṁ paṭicca kusalo arūpī dhammo uppajjati hetupaccayā. Akusalaṁ arūpiṁ dhammaṁ paṭicca akusalo arūpī dhammo uppajjati hetupaccayā. Abyākataṁ arūpiṁ dhammaṁ paṭicca abyākato arūpī dhammo uppajjati hetupaccayā. (Saṅkhittaṁ.) Hetuyā tīṇi, ārammaṇe tīṇi …pe… vipāke ekaṁ, avigate tīṇi. (Saṅkhittaṁ.) Nahetuyā dve, naadhipatiyā tīṇi …pe… navipāke tīṇi, najhāne nakamme ekaṁ, navippayutte tīṇi. (Saṅkhittaṁ.) (Sahajātavārampi …pe… sampayuttavārampi paṭiccavārasadisaṁ.) Hetu-ārammaṇa Kusalo arūpī dhammo kusalassa arūpissa dhammassa hetupaccayena paccayo. Akusalo arūpī dhammo akusalassa arūpissa dhammassa hetupaccayena paccayo. Abyākato arūpī dhammo abyākatassa arūpissa dhammassa hetupaccayena paccayo. Kusalo arūpī dhammo kusalassa arūpissa dhammassa ārammaṇapaccayena paccayo … tīṇi. Akusalo arūpī dhammo akusalassa arūpissa dhammassa ārammaṇapaccayena paccayo … tīṇi.