Āroceyyāti anupasampannassa— “yaṁ tvaṁ āgamma vihāraṁ adāsi …pe… cīvaraṁ adāsi, piṇḍapātaṁ adāsi, senāsanaṁ adāsi, gilānappaccayabhesajjaparikkhāraṁ adāsi so bhikkhu suññāgāre catutthaṁ jhānaṁ samāpajji, samāpajjati, samāpanno; so bhikkhu suññāgāre catutthassa jhānassa lābhī, vasī; tena bhikkhunā suññāgāre catutthaṁ jhānaṁ sacchikatan”ti bhaṇantassa āpatti dukkaṭassa. Anāpatti— upasampannassa, bhūtaṁ āroceti, ādikammikassāti. Bhūtārocanasikkhāpadaṁ niṭṭhitaṁ aṭṭhamaṁ. Theravāda Vinaya

9. Duṭṭhullārocanasikkhāpada