Anāpatti— asañcicca …pe… ādikammikassāti. Aṭṭhamasikkhāpadaṁ niṭṭhitaṁ. Theravāda Vinaya

59. Satthapāṇisikkhāpada

Tena samayena buddho bhagavā sāvatthiyaṁ viharati jetavane anāthapiṇḍikassa ārāme. Tena kho pana samayena chabbaggiyā bhikkhū satthapāṇissa dhammaṁ desenti …pe…. “Na satthapāṇissa agilānassa dhammaṁ desessāmīti sikkhā karaṇīyā”ti. Satthaṁ nāma ekatodhāraṁ ubhatodhāraṁ paharaṇaṁ. Na satthapāṇissa agilānassa dhammo desetabbo. Yo anādariyaṁ paṭicca satthapāṇissa agilānassa dhammaṁ deseti, āpatti dukkaṭassa. Anāpatti— asañcicca …pe… ādikammikassāti. Navamasikkhāpadaṁ niṭṭhitaṁ. Theravāda Vinaya

60. Āvudhapāṇisikkhāpada

Tena samayena buddho bhagavā sāvatthiyaṁ viharati jetavane anāthapiṇḍikassa ārāme. Tena kho pana samayena chabbaggiyā bhikkhū āvudhapāṇissa dhammaṁ desenti …pe…. “Na āvudhapāṇissa agilānassa dhammaṁ desessāmīti sikkhā karaṇīyā”ti. Āvudhaṁ nāma cāpo kodaṇḍo. Na āvudhapāṇissa agilānassa dhammo desetabbo. Yo anādariyaṁ paṭicca āvudhapāṇissa agilānassa dhammaṁ deseti, āpatti dukkaṭassa. Anāpatti— asañcicca …pe… ādikammikassāti. Dasamasikkhāpadaṁ niṭṭhitaṁ. Surusuruvaggo chaṭṭho. Theravāda Vinaya

61. Pādukasikkhāpada