Ekatoupasampannāya vosāsantiyā na nivāreti, āpatti dukkaṭassa. Anupasampannāya upasampannasaññī, āpatti dukkaṭassa. Anupasampannāya vematiko, āpatti dukkaṭassa. Anupasampannāya anupasampannasaññī, anāpatti. Anāpatti— attano bhattaṁ dāpeti na deti, aññesaṁ bhattaṁ deti na dāpeti, yaṁ na dinnaṁ taṁ dāpeti, yattha na dinnaṁ tattha dāpeti, sabbesaṁ samakaṁ dāpeti, sikkhamānā vosāsati, sāmaṇerī vosāsati, pañca bhojanāni ṭhapetvā sabbattha, anāpatti, ummattakassa, ādikammikassāti. Dutiyapāṭidesanīyasikkhāpadaṁ niṭṭhitaṁ. Theravāda Vinaya

3. Tatiyapāṭidesanīyasikkhāpada