Aññaṁ parikkhāraṁ dinne khiyyati, āpatti dukkaṭassa. Upasampannassa saṅghena asammatassa senāsanapaññāpakassa vā bhattuddesakassa vā yāgubhājakassa vā phalabhājakassa vā khajjabhājakassa vā appamattakavissajjakassa vā cīvaraṁ vā aññaṁ vā parikkhāraṁ dinne khiyyati, āpatti dukkaṭassa. Anupasampannassa saṅghena sammatassa vā asammatassa vā senāsanapaññāpakassa vā bhattuddesakassa vā yāgubhājakassa vā phalabhājakassa vā khajjabhājakassa vā appamattakavissajjakassa vā cīvaraṁ vā aññaṁ vā parikkhāraṁ dinne khiyyati, āpatti dukkaṭassa. Adhammakamme dhammakammasaññī, āpatti dukkaṭassa. Adhammakamme vematiko, āpatti dukkaṭassa. Adhammakamme adhammakammasaññī, anāpatti. Anāpatti— pakatiyā chandā dosā mohā bhayā karontaṁ “kvattho tassa dinnena laddhāpi vinipātessati na sammā upanessatī”ti khiyyati, ummattakassa, ādikammikassāti. Dubbalasikkhāpadaṁ niṭṭhitaṁ ekādasamaṁ. Theravāda Vinaya
82. Pariṇāmanasikkhāpada