Sayanighare sayanigharasaññī sabhojane kule anupakhajja nisajjaṁ kappeti, āpatti pācittiyassa. Sayanighare vematiko sabhojane kule anupakhajja nisajjaṁ kappeti, āpatti pācittiyassa. Sayanighare nasayanigharasaññī sabhojane kule anupakhajja nisajjaṁ kappeti, āpatti pācittiyassa. Nasayanighare sayanigharasaññī, āpatti dukkaṭassa. Nasayanighare vematiko, āpatti dukkaṭassa. Nasayanighare nasayanigharasaññī, anāpatti. Anāpatti— mahallake ghare piṭṭhasaṅghāṭassa hatthapāsaṁ avijahitvā nisīdati, khuddake ghare piṭṭhivaṁsaṁ anatikkamitvā nisīdati, bhikkhu dutiyo hoti, ubho nikkhantā honti, ubho vītarāgā, nasayanighare, ummattakassa, ādikammikassāti. Sabhojanasikkhāpadaṁ niṭṭhitaṁ tatiyaṁ. Theravāda Vinaya Acelakavagga

44. Rahopaṭicchannasikkhāpada