Ye ca kho naṁ pasaṁsanti, bhayā ukkaṁsayanti vā; Tañhi so maññate mittaṁ, satapattaṁva māṇavo”ti. Satapattajātakaṁ navamaṁ. Tikanipāta Udapānavagga

10. Puṭadūsakajātaka

“Addhā hi nūna migarājā, puṭakammassa kovido; Tathā hi puṭaṁ dūseti, aññaṁ nūna karissati”. “Na me mātā vā pitā vā, puṭakammassa kovido; Kataṁ kataṁ kho dūsema, evaṁ dhammamidaṁ kulaṁ”. “Yesaṁ vo ediso dhammo, Adhammo pana kīdiso; Mā vo dhammaṁ adhammaṁ vā, Addasāma kudācanan”ti. Puṭadūsakajātakaṁ dasamaṁ. Udapānavaggo tatiyo. Tassuddānaṁ Udapānavaraṁ vanabyaggha kapi, Sikhinī ca balāka ruciravaro; Sujanādhiparomakadūsa puna, Satapattavaro puṭakamma dasāti. Tikanipāta Abbhantaravagga

1. Abbhantarajātaka